काठमाडौं, ६ वैशाख
निजी वायुसेवा कम्पनी बुद्धएयरले निर्माण गरेको अन्तर्राष्ट्रियस्तरको विमान ह्यांगरको औपचारिक उद्घाटन गरेको छ । त्रिभुवन अन्तर्राष्ट्रिय विमानस्थल परिसरमा रहेको सो ह्यांगर बुधबार पर्यटन तथा नागरिक उड्डयनमन्त्री लोकेन्द्र विष्ट मगरले उद्घाटन गरेका हुन् । ह्यांगरमा बोइङ तथा एयरबस विमान समेतले सेवा लिन सक्ने क्षमता रहेको बुद्धएयरले जनाएको छ ।
अन्तर्राष्ट्रिय वित्त निगम (आईएफसी) को आर्थिक सहयोगमा कम्पनिले ह्यांगगर निर्माण गरेको हो । २५ लाख अमेरिकी डलर अर्थात् करिब २० करोड ५० लाख रुपैया“को लागतमा निर्माण गरिएको ह्यांगरमा बोइङ ७३७ तथा एयरबस ३२० जहाजले मेन्टिनेन्स सेवा लिन सक्ने क्षमता छ । अन्तर्राष्ट्रियस्तरको अग्नि नियन्त्रण प्रणाली, वर्कशप, टेक्निकल स्टोर, बेस मेन्टिनेन्सजस्ता सुविधा रहेको यस्तो ह्यांगर दक्षिण एसियाली मुलुकमै पनि कम रहेको कम्पनीको दाबी छ । ३७ हजार वर्गफिटमा फैलिएको ह्यांगगरमा सुरक्षित उडान सञ्चालनका लागि अन्तर्राष्ट्रिय स्तरका करिब ७५ करोड रुपैया“ बराबरका पार्टपुर्जा भण्डारण गरिएको कम्पनीले जनाएको छ ।
ह्यांगरमा बुद्धएयरका जहाजबाहेक अन्य कम्पनीका विमान कम्पनीले समेत सेवा लिने भएका छन् । भुटानको डुक एयर र बंगलादेशको युनाइटेड एयरवेजले मर्मतका लागि सम्झौता गर्न चासो देखाएको कम्पनीले जनाएको छ । त्रिभुवन विमानस्थलबाट बुद्धएयरले ८ वटा जहाजमार्फत दैनिक ८० उडान सञ्चालन गर्ने गरेको छ ।
बुद्धएयरले ह्यांगर निर्माणका लागि आईएफसीस“ग सन् २००८ मै सम्झौता गरेको भए पनि नागरिक उड्डयन प्राधिकरणले जग्गा उपलब्ध नगराएका कारण निर्माण कार्य ढिलो हुन पुगेको थियो । दुइ वर्षअघि तत्कालीन पर्यटनमन्त्री शरतसिंह भण्डारीले जग्गा उपलब्ध गराउने निर्णयपश्चात् २०१० मा निर्माण सुरु गरिएको थियो ।
ह्यांगरका लागि उपलब्ध जग्गाको प्रतिमहिना प्रतिस्क्वायर फिट १ सय ६५ रुपैयाँ त्रिभुवन विमानस्थललाई भाडा तिर्ने सम्झौता भएको छ । जुन वार्षिक करिब ६५ लाख रुपैया“ हुन आउँछ । विमानस्थलमा यसअघि यती एयरलाइन्स, नेपाल वायुसेवा निगम र श्री एयरको ह्यांगर सञ्चालनमा भए पनि सीमित सेवा मात्र उपलब्ध छ ।
ह्यांगर उद्घाटन गर्दै मन्त्री विष्टले हवाई सेवामा निजी क्षेत्र अगाडि आउनु सकारात्मक भएको बताउँदै आवश्यक वातावरणका लागि सरकारले सहयोग गर्ने विश्वास दिलाएका छन् । सोही कार्यक्रममा बोल्दै मन्त्री विष्टले साना जहाज ल्याएर दुर्गम क्षेत्रमा पनि सेवा विस्तार गर्न बुद्धएयरलाई आग्रह गरे ।
ह्यांगर उद्घाटनका क्रममा कम्पनीले ५०० सिरिजको अर्को एउटा एटीआर ७२ जहाज थप्ने प्रबन्ध निर्देशक वीरेन्द्रबहादुर बस्नेतले बताए । उनका अनुसार जहाज निर्माता कम्पनी एटीआरका सीईओ फिलिपो ब्याग्नोटोले सम्झौतापत्रमा हस्ताक्षर गरेका छन् । करिब ६५ करोड रुपैया“ पर्ने सो जहाजबाट बजारको मागअनुसार सुगम गन्तव्यहरूमा उडान गर्ने कम्पनीले जानकारी दिएको छ । दुर्गम गन्तव्यमा उडान गर्न सन् २०१४ सम्ममा ३ वटा ट्विनअटर जहाज ल्याउने गृहकार्य सुरु भएको उनले बताए ।
Source Karobaar daily
2012-04-19
0 comments:
Post a Comment